原标题：苦练马甲线！TVB小花预告新剧要露

　　艺人#龚嘉欣#出席活动，嘉欣表示8月将开拍新剧，为剧集而要苦练马甲线：“套剧入面唔系要着泳衣，但会睇到线条同埋要露腰，8月之前我系唔会露腰，有成果会同大家分享。

　　依家每星期会上一日功夫堂，一日由私人教练教健身，每晚再花半个钟拉筋同做腹部运动，夜晚唔食淀粉质。（系咪监制要求？）我对自己都有要求，难得接到个咁好嘅角色，想畀大家睇到同平时唔同嘅我。我人生廿几年都未试过有马甲线，依家练到有少少，已经好开心。”

　　另外，嘉欣在《美女厨房》中大展身手被网民激赞，她坦言没想过有如此大回响：“我只系上去玩吓，啲街坊都话对我改观，唔知我识煮嘢食，最开心系话我嫁得出。仲有人问可唔可以试我手势。（吴业坤？）唔系，系圈外嘅男性朋友。”

　　问到是否追求者时？她点头默认：“睇完话想试吓，佢等吓先啦！（有冇话上你屋企试？）冇，唔好咁快，如果真系拍拖，我唔介意日日煮嘢食畀男友，我好享受，关系进一步先，可以煮三餸一汤。”